Wagistrasse 23, CH-8952 Schlieren • T +41 43 433 79 79

über eus

bt_bb_section_bottom_section_coverage_image

https://cadolino-werbeartikel.ch/wp-content/uploads/2023/11/haus-mit-Logos-.png

Eusi MissionEn Blick hinder Kulisse

Wolly - mir händ die eierlegend Wollmilchsau! Mir händ Ideen mit Mehrwert..

Mit ere sehr grosse Erfahrig im Werbeartikelmarkt wänd mir eusne Kunde e optimali Dienschtleischtig und Service als Werbeartikelberater büte. So sim mir Dini Spezialiste wenns um massgschnidereti Lösige, Standardware, Textilie, Streuartikel und/oder Give-Aways in chliine und grosse Uflage gaht. Je nach Dine Bedürfnis sind mir dank eusem breite Netzwerk i de Lag, Produkt us de Schwiiz, Europa und Fernost z’beschaffe.

Eusi Ziel

Mir möchtet Unternehme und Organisatione optimal mit Werbeartikel versorge und de Werbeartikelmarkt i de Schwiiz aktiv mitgschtalte. Es söll en agmässene Gwünn erwirtschaftet werde.

Eusi Wert & Verhaltensgrundsätz

Im Mittelpunkt vo eusere Tätigkeit staht de verantwortigsvolli Umgang im Sinn vonere faire, zueverlässige und langfrischtige Partnerschaft mit Mitarbeiter, Kunde, Lieferante, Mitbewerber, Umwelt und de Gsellschaft. Mir pfläge e gueti Zämearbet wo uf Vertraue und Verlässlichkeit basiert. Integrität und moralisches Verhalte, wo über gsetzlichi Bestimmige hinweg gaht, liit eus am Herze. Vertraglichi Veribarige werdet ighalte und en offeni, transparänti und ehrlichi Kommunikation gfüehrt. Mir lönd Worte Tate folge und sind mit viel Engagement bi de Sach.

Euse Uftrag

comTeam AG isch mit de beide Marke Lacoray und Cadolino im Werbeartikelmarkt vo de Schwiiz tätig. Mir beratet Unternähme und anderi Organisatione bezüglich em Werbeartikelisatz und organisiered drüdimensionali Werbig als Teil vom Marketing-Mix.

Eusi Kunde

Mir betreued eusi Kunde fair, kompetänt, zuvorkommend und ergebnisorientiert. D'Zfriedeheit vom Kund staht im Zentrum und wird dur en erstklassigi Servicequalität gwährleistet. Die fangt mit de Beratig a, gfolgt vo massgschniiderete Lösige und resultiert in ere seriöse, termintreuä Uuftragsabwicklig. Um dem Aspruch grächt zwerde, halted mir eus laufend ufem neuste Stand bezüglich Trends und Neuigkeite und bringed Kreativität und Liideschaft mit ii.

Eusi Artikel

Mir vertriibed qualitativ gueti, de Priis entsprächendi, Produkt wo nach ethische Grundsätz produziert werded, wo Umwelt nöd übermässig belastet oder gsundheitsgfährdend sind.

Eusi Mitarbeiter

Attraktivi Arbeitsplätz und gueti Arbeitsbedingige sind eus es Alige. Mitarbeiter sölled gförderet und gforderet werde und Freud a de Arbet ha. S'Mitenand, d'Identifikation mit eusne Marke, fachlichs Know-how sowie Motivation und Engagement sind debi vo zentraler Bedütig.

bt_bb_section_top_section_coverage_image

Nachhaltigkeit isch eus wichtig

Euses oberste Ziel isch es, kei Werbegschenk und Streuartikel z empfähle wo den im Güsel landed. E gezielti Uswahl lohnt sich in jedem Fall.

Mir vo cadolino sind de feste Überzügig, dass Erfolg nur chan ha, wer au nachhaltig wirtschaftet. Drum isch de “green planet” es ganz wichtigs Aaliege vo eus. Us dem Grund versueched mir wo immer möglich Werbeartikel mit recyclierbare Materialie herzstelle und eusi Kunde dahingehend au z’berate. Wo möglich produziered mir i de Schwiiz und in Europa. Aber au eusi Produktione bi eusne Partner in Fernost erfülled eusi Kriterie vo de Nachhaltigkeit.

Mir schaffed explizit nur mit Lieferante zäme wo eus de Oeko-Tex Standard 100 chönd garantiere. Einigi vo eusne Textilie chömmer sogar mitem GOTS – global organic Textile standard – Label versehe. Frög eus diesbezüglich eifach ah, mir berate Dich gern.

Bispiel Prodir DS Regneration Pen
Prodir isch es Schwiizer Markeprodukt in Sache Schribware. Als abosluti Neuheit präsentiert Prodir jetzt de DS Regeneration Pen, us 100% Recycled Kunststoff. D’Model DS3, DS5 und DS8 büted mir Ihne jetzt exklusiv inere bsunders umweltschonende Kombination ah: usse mit Ghüüs us 100% recyceltem Kunststoff und inne mit de revolutionäre Mini Floating Ball ® bleifrei.