Ideefindg

cadolino Schwiiz verstaht sich als Werbeartikel Agentur

Natürlich hend mir vo cadolino Werbeartikel au en Shop mit über 75’000 verschiedene GiveAways, Kundegeschenk und Mitarbeitergschenk. Aber öb Du de genau passende Artikel i de riesige Uswahl findsch, isch nöd immer so eifach.

Mir läbed Werbeartikel – und das scho meh als 30 Jahr! Drum wüssed mir au zimli genau wo mir was chönd beschaffe und organisiere. Mir finded für Dich zum Bispiel de genau passend Regenschirm us enere Uswahl vo üsne mindestens 30 verschiedene Produzente weltwiit. Sig’s in ere bestimmte Farb, ime bestimmte Design, mit eme bestimmte Griff, eme nöd ganz alltägliche Gschtänge und vor allem i de perfekte Qualität.

Es Briefing zum Start in Erfolg

Imne erste gmeinsame Meeting mached mir zäme mit eusem Kunde mal e Uslegeordnig. Wen wend mir mit eme haptische Verstärker erreiche, was isch d’Botschaft wo vermittlet wird. Welli Mengi isch planet, wie wird de Werbeartikel oder s’Mitarbeitergschenk iigsetzt. Weles Budget hät de Kund und wie söll das haptische Gadget überhaupt übergäh werde. Und wänn isch de planti Start vo de Aktion.

Anhand vo dem klare Briefings erarbeitet mir e Uswahl vom passende Werbeartikel und oder Mitarbeitergschenk und eusi Vorschläg inere detaillierte Präsentation zäme. Bereits da visualisiered mir s’Kundelogo uf die potentielle GiveAways, so dass euse Kunde scho gseht, wie sini Botschaft uf de entsprechende Artikel dänn au würkt.

Jetzt gahts a d Fiinabstimmig

Bruchts allefalls no e spezielli Verpackig oder es speziells Handling für d’Aktion? Au das chönd mir büüte. Mir schaffed mit diverse soziale Irichtige zäme, wo gärn für Dich au ganzi Boxe ipacked und versandbereit mached.

Mit eusne Spezialkonditione bi de Schwiizer Poscht, chönd mir eusi Kunde dänn au bimene allfällige Versand gern unterstütze.

Jetz bisch Du drah – lern eus kenne und em erschte gmeinsame Projekt staht nüt meh im Wäg!