Sbrinz

Sbrinz symbolisiert echti Schweizer Qualität – und genau das söll au bi dä usgwählte Werbegschänk dä Asatz si. Dä Name Sbrinz söll bim Einkauf möglichst überall sichtbar sii, drum händ mir Sbrinz Shopping Bag entwicklet und kreiert. Es isch nöd einfach en Shopping Bag, sondern hät au es ganz speziells Inneläbe. Spezielli Täsche, aber au d’Möglichkeit -Chüehlelemänt mitzneh, chlini Gheimfächer und vieles meh.

Diä Einkaufstäsche lönd sich beliebig gstalte und natürli au individuell bedrucke. Sbrinz Switzerland hät mit derä Aktion sehr en grosse Erfolg chöne erziele und hät vor allem no e zusätzlichi Werbeflächi direkt im Einkaufslade.

Aber nöd nur diä Täsche händ mir für oise Chund umgsetzt, au anderi usgfallni Werbegschenk… Z.B. au Streuartikel für diversi Messe-Give-Aways, wo a dä verschiedenste Verastaltige ad Bsucher verteilt worde sind.

Au s’Thema T-shirt bedrucke händ mir alässlich em Uftritt vom Sbrinz-Standpersonal erfolgriich umgsetzt. Oder häsch Du scho emal dä usb stick gseh?

Bedruckti Werbeartikel sowiit s’Aug reicht – aber immer staht d’Qualität und d’Umsetzig im Vordergrund.

Usgfallni Werbegschänk erhöhed d’Ufmerksamkeit
Eifach mal öbis produziere, wo nöd „vo dä Stange“ isch? Keis Problem – scho ab chline Uflage isch vieles möglich. Lass Dich doch au mal vo es paar Biispiel inspiriere. Gerne zeiged mir Dir entweder bi Dir oder bi ois im Showroom es paar realisierti Chunde-Projekte. Es isch immer wieder faszinierend, was sich so alles umsetze laht und welli unglaubliche Ergebnis und Erfolg dadrus entstah chönd.