Philosophie
Mitere sehr grosse Erfahrig im Werbeartikelmarkt wend mir eusne Kunde e optimali Dienstleistig und Service als Werbeartikelberater büte. So simmer Ihre Spezialist wenns um massgschnidereti Lösige, Standardware, Textilie, Streuartikel und/oder Give-Aways in chliine und grosse Uflage gaht. Je nach wie Ihre Bedürfnis sind, sind mir dank eusem breite Netzwerk i de Lag, Produkt us de Schwiiz, Europa und Fernost z’beschaffe.

Fullservice Agentur
Werbeartikel sind en integrierte Bestandteil vo de Marketing- und Kommunikations-Strategie. Als Fullserviceagentur büüted mir eusne Kunde es umfangriichs Leistigsagebot vo de Lagerhaltig über d’Adresserfassig bis hin zur Poschtufgab, z.B. für Mailings, Wettbewerb etc.

Leitbild

Es isch d Grundlag vo eusere Unternehmenskultur! S’Leitbild zeigt was Kunde und anderi Aspruchsgruppe vo eus därfed erwarte und woruuf sie sich chönd verlah und zelle. Zudem gilt’s als Richtschnur für eusi Istellig und euses Tue und Handle.
Euses detaillierte Leitbild findet Sie da.

Service und Vorteil für Sie

Bi eus faht de Service scho a, bevor mir mitenand in Kontakt sind. Durch euses umfassends Sourcing wüssemer immer früehziitig was aktuell im Trend isch und wo und wie mirs au für Sie chönd beschaffe. Und natürli endet euse Service au nöd nach de Produktion Ihres Promotions- und Werbeartikel. Uf Wunsch übernähmemer für Sie au Konfektionierige und Versänd, dezue büüted mir Ihne au d’Möglichkeit vo de Lagerig bi eus im Lager. Und au bi de richtig Übergab vo de Werbeartikel chömmer Ihne sicher de eint oder ander Tipp gäh.

S’Know-how vo eusne langjährige Mitarbeiter isch nöd nur en Vorteil für eus, sondern chunt vor allem eusne Kunde z’guet. Praktisch alli Mitarbeiter bi euis sind scho mehreri Jahr bi eus und i de Werbe- und Promotionsartikel-Branche. Vo demher gits fascht nüt wo mer nöd kenned und nöd chönd beschaffe.

Webshop-/Fulfillment-Lösige

Mir realisiered für eusi Kunde au ganzi E-Commerce-Lösige. Dadurch chönd Abteilige, Tochterfirme, Agente, Kunde etc. Ihri Werbeartikel direkt über das Tool bstelle. Uf Wunsch chönd d’Artikel vo de entsprechende Stell au glieferet und verrächnet werde. E eigeni Webshop-Lösig mit eus zäme bringt ihne viel Vorteil:

• hervorragends Priis-/Leistigsverhältnis, au Chliimenge chönd bstellt werde
• webshop isch nach Ihre Bedürfnis und Wünsche gstalterisch apassbar
• es sind passwortgschützti Zuegäng wo Sie vo eus überchömmed
• online chönd alli Beständ jederziit überwacht und abgruefe werde
• Statistikwert zu jedem Artikel chönnd igseh und usgwertet werde
• Umsatzzahle etc. bechömed Si über es Reporting
• Si wähled Ihr Werbeartikel-Sortiment frei us
• Lagerbewirtschaftig und d’Nachproduktion werded mit Ihne zäme organisiert

Interessiert anere eigene Lösig? Denn kontaktiered Sie eus, gern zeiged mir Ihne wie das chönt usgseh.

Einzel-Merchandising/personalisierti Werbeartikel

E Lösig/Idee für d’Zuekunft! Mir sind de exklusiv Partner fürd Schwiiz vo de 3D Gateway in London. Nöd nur öppis für Sportverein und Künstler. Au isetzbar an Events, Festivals und vor allem au für villi Firme.

Ihre Chund/Bsuecher chan usere Uswahl vo über 150 Werbeartikel sin persönlich gstaltete Werbeartikel/Give-away als Einzelstück bstelle. Mitem Online-Konfigurator isch das absolut keis Problem. Ihrne Idee sind würkli chum Grenze gsetzt. Stelled Si sich vor, das Sie en Werbeartikel für de Einzelkund kreiere chönd und s au no zahlbar isch!

Gärn präsentiere mir Ihne s’ganze mal vor Ort – kontaktiered Sie üs zu dem Thema! Da finded Si es paar Bispiel:

• Kundeshop Projekt
• BVB Borussia Dortmund
• FC Reading
• Grasshopper Club Züri