– mit Lebensmittel-Farb keis Problem und lang haltbar
Wagistrasse 23, CH-8952 Schlieren • T +41 43 433 79 79
Cadolinopedia
Was Sie scho immer mal händ welle wüsse...
...oder au nöd! Alles zum Thema Werbeartikel, Giveaways Messe etc.
...was die hüfigscht gstellti Frag a eus isch?
was isch de aktuellschti Werbeartikel wo Sie im Sortiment händ?
De findet Sie bi euis i de Kategorie Trendolino.
...wänn und wo findet die gröscht Werbeartikelmäss i de Schwiiz statt?
am 5. März 2024 im Kongresshaus Züri findet d markeding-schweiz statt.
Wiiteri Events findet Sir da.
...wo die gröschti Werbeartikelmesse stattfindet und wo Messe Giveaways z'finde sind?
die gröschti isch zwar in China, aber die bedütendschti für Europa findet 1x jährlich in Düsseldorf statt.
Öisi Events findet Sie da.
...weles de gröscht Werbeartikel isch, wo mir für en Kund je realisiert händ?
– de isch meh als 3m gross gsi und e ufblasbari Fläsche für e Mäss vom Kund.
...wie gross de Werbeartikel-Markt Schwiiz gschätzt wird?
– uf ca. 500-600 Millione Schwiizer Franke, z.B. grösser als d’Plakatwirtschaft.
...das mer Frücht und Gmües au mit Logo chan bedrucke?
Eusi Event Highlights für Sie
A eusem chliine PopUp Store erwartet Sie vieli Highlights, spannendi Referate und es tolls Ambiente.
Was Sie scho immer mal händ welle wüsse...
...weli Schlüss di nöischti Studie über d'Werbewirkig vo Werbeartikel i de Schwiiz bracht hät?
– das Werbeartikel würked, das isch glaub hinlänglich bekannt! De Schwiizerisch Promoswiss-Verband hät inere repräsentative Studie z.B. usegfunde, dass 97% vo de Zielgruppe die Werbeartikel länger als 1 Jahr benutzed! Die gsammlete Resultat findet Sie da!
...wie Sie sich chönd merke, ob s'Messer links oder rechts vom Teller anechunt?
– das isch ganz eifach mit ere Eselsbrugg z’merke! Gable het 5 Buechstabe – links het au 5 Buechstabe. Messer het 6 Buechstabe – rechts het au 6 Buechstabe. So chinderliecht chan mer sich das vo jetzt a merke. cadolino ® Werbeartikel in Schliere hilft Ihne au bi alltägliche chliine Frage.
...das Tempo Taschentüechli ihres 90 jährigä Bestehe fiired?
– hüt gits d’Papier Nastüechli au als Werbeträger scho sit längerem. D’Qualität vom Produkt isch grad bi Nastüechli entscheidend. Mir vo cadolino ® hend gueti Alternative für Sie, s’Nastuech als Ihre Werbeartikel izsetze. Nüt isch nöcher bi Ihrem Kund als es qualitativ hochstehends Papier Nastuech.
Die und witeri Produkt findet Si da.
...uf was Sie unbedingt bi Wireless Charger achte müend?
– nöd immer isch de bescht Priis au de beschti Deal! Achtet Sie unbedingt uf die Sicherheitsaforderige wos bi de technische Grät bruucht. Alli technische Werbeartikel wo mir eusne Kunde verchaufed, händ die Sicherheits-Standards. Meh Informatione erfahred Sie uf dem Flyer.
...wie z.B. s'Pantone Farbsystem funktioniert?
– sit meh als 55 Jahr gits s Pantone-Farbsystem. D’Idee vo dem System isch gsi und isch es, d’Produktion vo Druckprodukt z’vereinheitliche. Es söll d’Kommunikation zwüschet Druckindustrie und de Kunde vereinfache. Im Grundsatz alles z’vereifache, was es in Sache Druck git. Damit chan au bi de Werbeartikel s’Logo vom Kund immer i de gliiche Farbtön produziert werde. Immer aber au mit em Hiiwiis, das je nach Material es underschiidlichi Ergebnis chan gäh. Aber jedes Logo vomne Kund chan mit de Pantone Farbezeichnig zimli genau produziert werde. Sit 2014 gits 1712 Sonderfarbe die gröschteteils nöd im 4-Farbe-Druck produziert werde chönd.
Wiiteri Informatione findet Sie under: https://store.pantone.com/de/de/colorfinder/index/search/
...wie mer en Koffer, Bag, Rucksack für e Reis packt?
– wenn eine verreist, denn sött mer au wüsse wie mer sini Koffer richtig packt: da Zeiged mir Ihne wie das richtig gaht. So spared Sie nöd numme Platz, Si helfed Ihrne Kunde und Mitarbeiter Ihre Werbeartikel au optimal iizsetze. Messe Giveaways träged Ihres Logo i d’Welt.
...warum hälfed wireless Ladestatione au Ihrne Kunde?
– cadolino ® zeigt Ihne da, wie die wireless Ufladefunktion funktioniert und vor allem welli Vorteil die Art vo de Ladig bringt. Umfassendi, klar und ganz eifach – so funktioniert Wireless. Perfekti Möglichkeit, die Ladestation als Werbeartikel, Chundegschenk und Mitarbeitergschenk weltwiit iizsetze – immer versehe mit Ihrem Firme- und/oder Produktlogo.
...Datenschutz, was passiert eigentlich ab em 25. Mai 2018?
– am 25. Mai tritt d’Dateschutz-Grundverordnig vo de EU in Kraft, wo au d’Schwiiz betreffe werded. Da gahts hauptsächlich um d’Speicherig und Verwändig vo de erhaltene Date. I de Schwiiz dörfti en gliiche oder ähnliche Gsetzesentwurf im Herbst 2018 ebefalls id Vernehmlassig cho. Mir vo cadolino ® hend eus d’Dateschutzverordnig scho länger uf “d’Fahne” gschriebe. Drum sind bi eus Ihri Date und Informatione scho sit längerem guet gschützt und werded usschliesslich zum Zweck vo de Kontaktufnahm im Sinn Ihrer Afrag gspeicheret und absolut vertraulich behandlet.
...woher eigentli de Begriff 08/15 chunt?
– s’erschte Maschinegwehr im Erste Weltkrieg het d Bezeichnig MG 08/15 und bedütet so viel wie öppe, standarmässigi Usfüehrig ohni Extras und relativ itönig.
Aber was bedütet die Redwändig für de Werbeartikel und d’Mitarbeitergschenk? Wett öpper en Artikel vo 08/15 isch? Natürlich nöd! Mir zeiged Ihne, wie en Mehrwert für alli us jedem Werbegschenk chan füregholt werde.
...was d'Zuekunft im Werbeartikel sii wird?
– Print on Demand und einzel-personalisierti Produkt – mass customization! Doch was isch das? Mass customization isch d’Produktion personalisierter Produkt mit em Ziel, dass jede B2C-Kund genau das überchunnt, wo sine Vorstellig entspricht. Es isch s’ultimative Bispiel, wo jede Kund genau das überchunnt, was er wett und was entsprechend zu ihm passt.
Für Sie als Firma bedütet das, dass Ihre Kund no meh mit Ihrem Unternehme identifiziert und demit e no engeri Kundebeziehig entstönd. Zudem werded nur so viel Werbeartikel au produziert, wie Ihri Kunde bstellet!
cadolino ® Züri-Schliere isch au da en absolute Vorriiter und Trendsetter i de Schwiiz. Gärn berate mer Sie zum Thema mass customization persönlich. Gärn zeiged mir Ihne es paar ganz tolli Bispiel wie so e Umsetzig erfolgrich gmacht worde isch. Und Idee für Sie hend mir eh ganz viel…
...Kundestimme zum Iifluss vo Werbeartikel?
– “Me hät öppis mee Vertraue i s Unternähme”; “E eifachi Erinnerig det wider verbiizluege”; “ich bin nur no Kund vo dem Lieferant”; “die kümmere sich um iri Kunde”; “Stärchig des Brandes”; “het Bindig a das Unternehme gschtärkt”
und viel wiiteri Stimme us de aktuellschte, repräsentative Studie (12/2017) zum Thema Werbeartikel.
75% erinnere sich bi Werbeartikel as werbende Unternehme; bi Radio, TV, Print nur 33%. Zudem sind Werbegschenk über mehreri Jahr im Isatz.
...die neuschte Technik Trends us de CES Las Vegas?
– immer Mitti Januar findet die Technik-Trend-Mess in Las Vegas statt. Da werded während 5 Täg die neuschte Idee und Trends präsentiert. Uf de Kundegschenk-Bereich bezoge, zeiged sich folgendi Trends: Fitness-Uhre werded immer beliebter und umfangriicher i de Funktione; de USB-C Aschluss wird sich duresetze und demit müend einigi technischi Give-Aways ersetzt werde; Wireless wird a immer meh Grät und damit au bi de Werbegschenk iigsetzt.
...wieviel Handys jede Tag weltwiit verchauft werded?
– es isch fascht e unglaublichi Zahl: es sind mehreri Millione jede Tag! Mir händ für Sie e Website gfunde, wo Sie ganz aktuelli Zahle über Weltwiit verchaufti Handys, Fernseh, Geburte, Weltbevölkerigszahle, Azahl Täg vo de Weltwiite Oelreserve und vieles meh… Da findet Sie die absolut interessante Zahle! Viellicht findet Sie da scho bald weltwiit verchaufti Werbeartikel pro Tag…
...das jedes Jahr tuusigi Werbeartikel am Schwiizer Zoll ''hängebliibe'?
– wills sich um Plagiate/Fälschige handlet, nöd korrekt deklarierti Ware sind, gsetzlichi Iifuhrbestimmige nöd ighalte worde sind, de Importeur nöd usgwise isch und vieles meh. Drum söttet Sie mit de richtige Werbeartikel-Abieter i de Schwiiz zämeschaffe – mir kenned die gsetzliche Vorgabe und sind i de Schwiiz dihei. cadolino ® wird regelmässig vom Kantonale Labor prüeft, ob alli Bestimmige, Verordnige und Zertifikat vorhande sind. Obs es Notfallkonzept für e Produkt-Rückruef-Aktion git und vieles meh… Und vor allem erspared mir Ihne viel Unannehmlichkeite – was gits schlimmers als wenn die im vorus zahlti Ware nöd rechtziitig bi Ihne isch?
Newsletter abonniere
Sie möchtet kei Inhalt & News zu de Theme Werbeartikel, Kundegschenk und Mitarbeitergschenk verpasse?
