Züger Frischkäse

Züger Frischkäse staht für stetigi Innovatione und Qualität. Das hät oise Chund au mit allne Werbegschänk, welli au a Messene und Events präsentiert werdet, ufzeigt. Näbst «Frisch Halte Klammere» für Mozzarella Chäs sind diversi anderi passendi Streuartikel entwicklet worde.

Lisa als Plüschtier
Mitti Jahr händ mir vo cadolino® zäme mit oisem Chund d’Lisa „geborä“. Frisch, fräch und witzig isch diä lustigi Chueh jetzt au bi vielne Chunde es beliebts Kuscheltier. Ebefalls wird sie a vielne Messene und Events erfolgrich als Prämie igsetzt.

Ufblasbari Werbeartikel und Stopper
Natürlich ghöred au ganz grossi, ufblasbari und uffälligi Give-aways zu oisem Produkte-Portefeuille. Mir händ für oise Chund e über 3m grossi ufblasbari Brat-Fläsche kreiert. Mängisch dörf en Werbeartikel au richtig gross si…

A dä letztjährige Olma händ mir für Züger en Griif-Spielautomat dörfe lieferä, a dem d’Chunde sälber Ihres Give-away „usefische“ hend chöne. Natürlich händ mir au diä passende Artikel i dä Chugle glieferet, wo sich Bsuecher hend chöne hole. Wiederemal händ mir zäme mit oisem Chund chöne bewiese, dass die eierlegendi Wollmilchsau würkli möglich isch.

I däm Jahr sinds cooli Iimach-Gläser mit Verschluss, wos a dä Olma z’gwünne gäh het. D’Aktion isch en riese Erfolg gsi!

Haptik löst Emotione us und gnau drum händ d’Artikel vo cadolino bi dä duregfüehrte Marketing-Aktione vo Züger Frischkäse en so grosse Erfolg. Gmeinsam zum Erfolg – mit Streuartikel und Give Aways.